श्री हनुमान चालीसा
दोहा
श्रीगुरु चरन सरोज रज, निज मन मुकुर सुधारि।
बरनऊँ रघुबर बिमल जसु, जो दायकु फल चारि॥
बुद्धिहीन तनु जानिके, सुमिरौं पवन-कुमार।
बल बुद्धि विद्या देहु मोहिं, हरहु कलेश विकार॥
चौपाई
जय हनुमान ज्ञान गुन सागर।
जय कपीस तिहुँ लोक उजागर॥
राम दूत अतुलित बल धामा।
अंजनि-पुत्र पवनसुत नामा॥
महाबीर बिक्रम बजरंगी।
कुमति निवार सुमति के संगी॥
कंचन बरन बिराज सुबेसा।
कानन कुंडल कुंचित केसा॥
हाथ वज्र औ ध्वजा बिराजै।
काँधे मूँज जनेऊ साजै॥
शंकर सुवन केसरी नंदन।
तेज प्रताप महा जग वंदन॥
विद्यावान गुनी अति चातुर।
राम काज करिबे को आतुर॥
प्रभु चरित्र सुनिबे को रसिया।
राम लखन सीता मन बसिया॥
सूक्ष्म रूप धरि सियहिं दिखावा।
विकट रूप धरि लंक जरावा॥
भीम रूप धरि असुर संहारे।
रामचंद्र के काज सँवारे॥
लाय सजीवन लखन जियाए।
श्रीरघुबीर हरषि उर लाए॥
रघुपति कीन्ही बहुत बड़ाई।
तुम मम प्रिय भरतहि सम भाई॥
सहस बदन तुम्हरो जस गावैं।
अस कहि श्रीपति कंठ लगावैं॥
सनकादिक ब्रह्मादि मुनीसा।
नारद सारद सहित अहीसा॥
जम कुबेर दिगपाल जहाँ ते।
कवि कोविद कहि सके कहाँ ते॥
तुम उपकार सुग्रीवहिं कीन्हा।
राम मिलाय राज पद दीन्हा॥
तुम्हरो मंत्र विभीषण माना।
लंकेश्वर भए सब जग जाना॥
युग सहस्र योजन पर भानू।
लील्यो ताहि मधुर फल जानू॥
प्रभु मुद्रिका मेलि मुख माहीं।
जलधि लाँघि गए अचरज नाहीं॥
दुर्गम काज जगत के जेते।
सुगम अनुग्रह तुम्हरे तेते॥
राम दुआरे तुम रखवारे।
होत न आज्ञा बिनु पैसारे॥
सब सुख लहै तुम्हारी सरना।
तुम रक्षक काहू को डरना॥
आपन तेज सम्हारो आपै।
तीनों लोक हाँक तें काँपै॥
भूत पिशाच निकट नहिं आवै।
महाबीर जब नाम सुनावै॥
नासै रोग हरै सब पीरा।
जपत निरंतर हनुमत बीरा॥
संकट तें हनुमान छुड़ावै।
मन क्रम वचन ध्यान जो लावै॥
सब पर राम तपस्वी राजा।
तिनके काज सकल तुम साजा॥
और मनोरथ जो कोई लावै।
सोई अमित जीवन फल पावै॥
चारों जुग परताप तुम्हारा।
है परसिद्ध जगत उजियारा॥
साधु संत के तुम रखवारे।
असुर निकंदन राम दुलारे॥
अष्ट सिद्धि नौ निधि के दाता।
अस बर दीन जानकी माता॥
राम रसायन तुम्हरे पासा।
सदा रहो रघुपति के दासा॥
तुम्हरे भजन राम को पावै।
जनम जनम के दुख बिसरावै॥
अंतकाल रघुबर पुर जाई।
जहाँ जन्म हरि-भक्त कहाई॥
और देवता चित्त न धरई।
हनुमत सेइ सर्व सुख करई॥
संकट कटै मिटै सब पीरा।
जो सुमिरै हनुमत बलबीरा॥
जय जय जय हनुमान गोसाईं।
कृपा करहु गुरुदेव की नाईं॥
जो सत बार पाठ कर कोई।
छूटहि बंदि महा सुख होई॥
जो यह पढ़ै हनुमान चालीसा।
होय सिद्धि साखी गौरीसा॥
तुलसीदास सदा हरि चेरा।
कीजै नाथ हृदय महँ डेरा॥
दोहा
पवनतनय संकट हरन, मंगल मूरति रूप।
राम लखन सीता सहित, हृदय बसहु सुर भूप॥
Shri Hanuman Chalisa (Hinglish)
Doha
Shri Guru Charan Saroj Raj, Nij Man Mukur Sudhari.
Baranau Raghuvar Bimal Jasu, Jo Dayaku Phal Chari.
Buddhiheen Tanu Janike, Sumirau Pavan Kumar.
Bal Buddhi Vidya Dehu Mohi, Harahu Kalesh Vikar.
Chaupai
Jai Hanuman Gyan Gun Sagar.
Jai Kapis Tihun Lok Ujagar.
Ram Doot Atulit Bal Dhama.
Anjani Putra Pavan Sut Nama.
Mahabir Bikram Bajrangi.
Kumati Nivar Sumati Ke Sangi.
Kanchan Baran Biraj Subesa.
Kanan Kundal Kunchit Kesa.
Hath Vajra Aur Dhwaja Biraje.
Kandhe Moonj Janeu Sajai.
Shankar Suvan Kesari Nandan.
Tej Pratap Maha Jag Vandan.
Vidyavan Guni Ati Chatur.
Ram Kaj Karibe Ko Atur.
Prabhu Charitra Sunibe Ko Rasiya.
Ram Lakhan Sita Man Basiya.
Sukshma Roop Dhari Siyahi Dikhava.
Vikat Roop Dhari Lanka Jarava.
Bhim Roop Dhari Asur Sanhare.
Ramchandra Ke Kaj Sanvare.
Laye Sajeevan Lakhan Jiyaye.
Shri Raghubir Harashi Ur Laye.
Raghupati Kinhi Bahut Badai.
Tum Mam Priya Bharat Hi Sam Bhai.
Sahas Badan Tumharo Jas Gave.
As Kahi Shripati Kanth Lagave.
Sanakadik Brahmadi Munisa.
Narad Sarad Sahit Ahisa.
Yam Kuber Digpal Jahan Te.
Kavi Kovid Kahi Sake Kahan Te.
Tum Upkar Sugrivahin Kinha.
Ram Milaye Raj Pad Dinha.
Tumharo Mantra Vibhishan Mana.
Lankeshwar Bhaye Sab Jag Jana.
Yug Sahasra Yojan Par Bhanu.
Leelyo Tahi Madhur Phal Janu.
Prabhu Mudrika Meli Mukh Mahi.
Jaladhi Langhi Gaye Acharaj Nahi.
Durgam Kaj Jagat Ke Jete.
Sugam Anugrah Tumhare Tete.
Ram Duare Tum Rakhvare.
Hot Na Aagya Binu Paisare.
Sab Sukh Lahai Tumhari Sarna.
Tum Rakshak Kahu Ko Darna.
Aapan Tej Samharo Aapai.
Tino Lok Hank Te Kanpai.
Bhoot Pishach Nikat Nahi Aavai.
Mahabir Jab Naam Sunavai.
Nasai Rog Harai Sab Peera.
Japat Nirantar Hanumat Beera.
Sankat Te Hanuman Chhudavai.
Man Kram Vachan Dhyan Jo Lavai.
Sab Par Ram Tapasvi Raja.
Tin Ke Kaj Sakal Tum Saja.
Aur Manorath Jo Koi Lavai.
Soi Amit Jeevan Phal Pavai.
Charon Yug Partap Tumhara.
Hai Parsiddh Jagat Ujiyara.
Sadhu Sant Ke Tum Rakhvare.
Asur Nikandan Ram Dulare.
Asht Siddhi Nau Nidhi Ke Data.
As Bar Din Janaki Mata.
Ram Rasayan Tumhare Pasa.
Sada Raho Raghupati Ke Dasa.
Tumhare Bhajan Ram Ko Pavai.
Janam Janam Ke Dukh Bisravai.
Ant Kaal Raghubar Pur Jai.
Jahan Janm Hari Bhakt Kahai.
Aur Devta Chitt Na Dharai.
Hanumat Sei Sarv Sukh Karai.
Sankat Katai Mitai Sab Peera.
Jo Sumirai Hanumat Balbeera.
Jai Jai Jai Hanuman Gosai.
Kripa Karahu Gurudev Ki Nai.
Jo Sat Bar Path Kar Koi.
Chhutahi Bandi Maha Sukh Hoi.
Jo Yah Padhe Hanuman Chalisa.
Hoy Siddhi Sakhi Gaurisa.
Tulsidas Sada Hari Chera.
Kijai Nath Hriday Mah Dera.
Doha
Pavan Tanay Sankat Haran, Mangal Murti Roop.
Ram Lakhan Sita Sahit, Hriday Basahu Sur Bhoop.